Ertu Vinnualki? Þetta var mikið rætt í Zúúber í morgun.

Ég var svo yfir mig hlessa þegar ég var að lesa grein um vinnualka á netinu í gær. Ég hef aldrei gert mér grein fyrir því hversu alvarleg þessi fíkn er. Við íslendingar göntumst oft með það og segjum "Ég er vinnualki" og við notum þetta orð á mjög svona hversdagslegan hátt og gerum okkur ekki grein fyrir hversu alvarlegur sjúkdómur þetta getur verið. Það er kannski ekki furða, Íslendingar eru vanir að vinna myrkranna á milli eins og ekkert sé eðlilegra.

Að vera vinnualki eða vinnufíkill er jafnalverleg fíkn og hver önnur fíkn. Og eins og með hverja aðra fíkn, er endastöðin aldrei góð ef ekkert er að gert.  Ert þú vinnufíkill? Tékkaðu á því.  Til gaman þýddi ég þann  hluta af greininni sem farið er yfir byrjunareinkennin á þessum kvilla. Kannastu við eitthvað að þessu?

 

Byrjunareinkenni vinnualka….

 

Það er laugardagskvöld og þú ert heima.. að vinna.  Venjulegt fólk notar þennan tíma yfirleitt til að setja lappirnar upp í loft, slappa af og jafnvel fá sér nokkra bjóra og skemmta sér í góðra vina hóp, en ekki lengur.  Síðan þú fékkst stóru stöðuhækkunina, þá ákvaðstu að núna væri vinnan í fyrsta sæti.

Að vinna heima annað slagið er ekki svo slæmt eftir allt saman, ekki satt? Rangt! Um leið og það er orðin partur að venjulegri rútínu þinni að vinna heima, þá ertu án efa að hefja nýjan feril sem vinnualki

Vinnualki er orð sem hljómar eins og hinn eðlilegasti hlutur  fyrir þá sem ætla að klifa metorðastigann. Og þar sem samkeppni ríkir í vinnuumhverfi eru vinnualkar orðið algengt vandamál. Vinnualka lýsum við sem einstakling sem hefur við fíkn að stríða varðandi vinnu sína.  Eins og hvert  önnur fíkn er vinnufíkn slæm. hún hefur áhrif á þig, vini þína og fjölskyldu. Yfirmenn gætu líka stundum haldið því fram við starfsmenn sína, að ef þeir vinna mikla yfirvinnu muni þeir afkast feikna miklu. Þeir hafa rangt fyrir sér þegar til lengra tíma er litið. 

Því meira sem þú hefur að gera, og því meira verður álagið. Því meiri skaða uppskerðu andlega, líkamlega, heilsulega og félagslega. Ef þú heldur það að vera vinnualki sé eitthvað til að dáðst að, þá skaltu hugsa þig betur um. Á endanum á þessi fíkn eftir að skaða feril þinn frekar en að hjálpa honum..
 

Að taka vinnuna með sér heim

Einkenni

Þegar vinnudegi líkur hjá flestum, heldur þinn áfram. Það gæti verið kvöldstund, eða helgi eða jafnvel fríið þitt. Það skiptir ekki máli.

Þegar vinnualki er ekki að vinna að einhverju verkefni, þá leiðist honum, hann finnst hann vera afkastalítill, eða verra, hann er að deyja úr áhyggjum yfir því  að vera ekki að gera neitt. Staðreyndin er hins vegar sú, að þegar þú hættir ekki að vinna þegar þú ættir að gera það, mun það á skerða afköst þína og frammistöðu þína í starfi þegar til lengri tíma er litið. Og ekki bara það, þú stofnar heilsu þinni í hættu, færð oftar hausverki og án efa muntu upplifa þig einangraða í meiri mæli. 

Lausn

Ef þú ert stanslaust að vinna heima hjá þér, þarftu að endurheimta friðinn og rólegheitin sem eiga að ríkja þar. Heimilið þitt á ekki að vera skrifstofa þín. Þetta er auðveldara sagt en gert,  en byrjaðu á því að fylgjast með hversu miklum tíma þú eyðir í vinnu heima og skráðu þá tíma hjá þér. 

 Uppfrá því skaltu gera plan til að minnka þá tíma sem þú sinnir vinnunni heima. Farðu samt hægt í sakirnar. Taktu lítil skref í einu. Það væri ekki vitlaust að byrja a því  að setja sér það markmið að vinna ekki heima einn dag í viku. Gerðu þér grein fyrir því,  að eins og með aðra fíkn munt þú  þú munt upplifa fráhvarfseinkenni, allavega til að byrja með.  Þunglyndi og kvíði er það sem flestir upplifa. En vittu til, ef þú tekur á þessu muntu aldrei sjá eftir því í framtíðinni,.


Á meðan þú ert að eiga við þessar breytingar sjáðu til þess að fá nægan svefn og borðaðu hollan mat. Og þegar þú skipuleggur þitt næsta frí, skaltu líka sjá til þess að vinnan komi þar hvergi nærri. Þegar þú ert að taka þér frí, þá er það bara skilyrði að þú flækir það ekki með vinnu. Þetta er tíminn sem þú átt að slaka á og hlaða batteríin. Þess vegna er það kallað frí.

  Hugurinn er alltaf við vinnuna / Þú aftengir þig aldrei

 

Einkenni

Þú ert kannski ekki alltaf  í vinnunni í bókstaflegri merkingu, en samt sem áður miðast allt sem þú gerir við vinnuna. Mikilvægir viðskiptavinir þínir og starfsfélagar hafa allir númerið þitt og hringja í þig hvenær sem er þegar þeir þurfa á að halda.  Þú skilur aldrei við fartölvuna þína  ef að þú þyrftir að kíkja á póstinn rétt sem snöggvast, eða kíkja á önnur skjöl.  Með þessu ertu bara að gefa í skyn að þú ert alltaf reiðubúinn, og vinnan er enn og aftur komin í fyrsta sæti fram yfir allt annað. Þegar þú ert komin í þessi spor, þá muntu aldrei gefa þér tíma fyrir áhugamálin eða félagslífið sem er mikilvægt að njóta líka.

  

Lausn

Ef að þú ert tengdur við vinnunna 24/7. Er komin tími til að breyta aðeins til og athuga hvort þú getir ekki tileinkað þér annan lífstíl.  Það þýðir að það er komin tími fyrir önnur uppfyllandi verkefni  sem mun fylla þig og líkama þinn af krafti og orku.  Og það sem væri tilvalið er að velja áhugamál sem ertu þvert á það sem þú ert vanur að gera. Ef að vinnan sem þú vinnur heldur þig inni. Veldu þá áhugamál sem eru utandyra, eins og að skokka eða hvað sem er.  En galdurinn er að velja eitthvað sem þér þykir gaman svo að þú komir jafnvægi á lífstíl þinn þegar kemur að vinnu og afslöppun.


Til að halda þessu jafnvægi, þá er ekki vitlaust að leita ráðgjafar. Oft eru nýjar hugmyndir og einhver sem hlustar það sem getur gert kraftaverk, og það sem meira er það  kemur  jafnvægi á hug og sál til að takast á við breytingarnar. Hafðu bara í huga að þegar þú ert farinn að finna að þú ert ekki jafntengdur vinnunni og áður kemur samviskubitið og nagar þig.  Ekki leyfa því gera það. Haltu bara þinni stefnu, þú kemst yfir þetta að lokum.

 

Neitar að deila ábyrgðinni…

Einkenni

Í þessu kapphlaupi þínu til að ná langt og ná árangri, ferðu að trúa því sjálfur, að að þú ert besti aðilinn til að leysa öll verkefni fyrirtækisins.  Og vegna þess að þú vilt eins mikla dýrð og mögulegt er, tekurðu að þér öll verkefni til að toppa alla aðra.  Ekki bara það að þetta gerir þig að óþolandi samstarfsmanni/konu þetta gerir þig að einstaklingi sem erfitt er að vinna með, heldur að þegar til lengri tíma er litið mun þetta álag skaða þig. 

Lausn

Það að þú vilt ekki deila ábyrgðinni getur breyst ef þú skoðar betur þau verkefni sem þú tekur að þér og bætir samskiptin þín við aðra í vinnunni. Þú þarft ekki að taka að þér öll verkefnin sem rétt eru að þér. Ekki gera það.  Skipulegðu heldur  vinnu þína í kringum markmið þín í lífinu, en ekki öfugt.  Hugsaðu út í hvar þú vildir vera  og hvernig þú raunverulega þú vildir eyða tíma þínum. Að brenna út , gerir þér engan greiða.



Þú ert alltaf talandi um vinnuna.

Einkenni

Það gætu verið vinir þínir og það gæti verið konan þín. Ef einhver nennir að hlusta ertu meira ein tilbúinn til að tala um vinnuna, og helst eins mikið og mögulegt er.  Kannski er það eitt verkefnið sem þú ert að vinna að , eða einhver yfirmaðurinn sem þú ert í fílu út í, hvort sem það er  þú verður bara að tala um það.

 

Auðvitað er leyfilegt að tala aðeins um vinnuna í góðra vina hópi, en í þínu tilfelli beinist athygli þín ekki að fólkinu sem er næst þér. Þín samskipti er ekki við þau, samskipti þín eru við vinnuna, um leið breytist fólkið þitt í einhverja fylgihluti.

Um leið og þú ert að skaða þitt persónulega líf með því að hafa vinnuna í fyrsta sætir, ertu líka að fæla frá þér fólkinu sem þér þykir vænst um.

Lausn

Það sem er að gerast í vinnunni hjá þér núna skiptir þig kannski máli, en það þarf ekki að vera eins vinsælt hjá öllum í kringum þig. Fjölskylda þín og vinir óska þess eins að þú verðir hamingjusamur, en þú verður líka að passa að gefa þeim athygli líka. Vertu bara hreinskilinn og spurðu fjölskyldu þina hvernig allt þetta tal um vinnuna hefur áhrif á þau. Það verður kannski ekkert auðvelt fyrir þig að  heyra hreinskilnu svörin, en það er skref í rétta átt.

 

 

Ég læt þetta duga í bili og vona að þetta hafi orðið til gagns og gamans fyrir einhvern :)

 

Bestu kveðjur

 

Sigga Lund

 

 




 

 


Tilraunaútsendingar hafnar

Nú geti þið fylgst með okkur "LIVE" inná FM957.is

Þessa dagana standa yfir tilraunaútsendingar á LIVE WEBCAM hjá okkur í Zúúber.
Búast má við að það taki nokkra daga að koma öllu í það horf sem það á að vera í.
Útsendingar eru alla virka morgna milli 7-10

Bestu kveðjur úr stríðinu
Gassi


Hvað er "Turn Off" og ekki !!

Var staddur í hádegisverði í dag með félaga mínum og nokkrum kunningjum, þar kom til tals hvað væri það neyðalegasta sem við hefðum lent í í svefnherberginu. Eins og gefur að skilja var þó nokkuð mikið rætt þarna og besta að vera ekkert að skrifa um það hér, en ein frásögnin greip mig. Hún var um það að ungur drengur hitti konu sem hafði eignast barn 6 mánuðum áður og átti hittingur sér stað á kaffihúsi borgarinnar. Það voru nokkrir öllarar drukknir af báðum aðilum og brátt kom að því að þau ákváðu að fara heim saman. Heima hjá henni beið eldri systir hennar sem var að passa barnið, en hún kvaddi um leið og þau komu inn. Upphófst kelerí sem leiddi til þess að spjarirnar voru tíndar smátt og smátt af.. Þegar þau voru komin úr að ofan fann drengurinn fyrir því að hann væri  allur blautur á skrokknum. Hann stoppar keleríið og fer að velta þessu fyrir sér, þá segir hún snögglega við hann" Æi þetta er bara mjólkin úr brjóstunum á mér, ég sleiki þetta bara af þer´".. Og það er skemmst frá því að segja að hann kvaddi samkomuna.... Ég spyr, Hvað hefðir þú gert??

Mbk, Svali 


7 Líkamspartar sem karlmenn halda að konur taki ekki eftir.

Var til gamans að renna yfir gömul efnistök úr Zúúber. Ég man svo sannarlega þegar við tókum fyrir líkamspartar sem karlmenn halda að konur taki ekki eftir. hahahahaha :)  vá það var sko glatt á hjalla og viðbrögð hlustenda, og þá helst karlhlustenda létu sko ekki á sér standa.  En sem betur fer eru karlmenn í stórum stíl farnir að huga betur að útlitinu. En betur má ef duga skal. Ætla að leyfa listanum að fljóta hér með svona til gagns og gamans

 Hér eru sjö líkamspartar sem karlar oft vanrækja og halda að við konurnar tökum ekki eftir.



1- Augabrúnir
Konur ætlast alls ekki til að karlmenn séu með plokkaðar og litaðar augabrýr, en ein augabrún er svo sannarlega ekki málið..

Hvað skal gera: Gerið eins og konurnar. Fáið ykkur (plokkara,)töng og snyrtið svæðið á milli augabrúnanna. Ef þið viljið snyrta aðeins meira, leitið þá til snyrtifræðinga á snyrtistofunum.

2- Neglur
Ástandið á höndunum segir heilmikið um karlmanninn og hans hreinlætisvenjur.  Svo menn,  ekki láta skítugar neglur koma upp um ykkur..

Hvað skal gera: Þið  þurfið ekki að fara vikulega í handsnyrtingu til að halda höndunum góðum. Hinsvegar er það ekki vitlaus hugmynd að fjárfesta í naglaþjöl til að þjala neglurnar og í handáburði,  til að halda þeim mjúkum. Engin kona vill þurrar og sprungnar hendur til að leika um sig.



3- Húðin
Engin kona stenst að koma við mjúka húð. Er það ekki næg ástæða fyrir karlmenn  að huga vel að húðinni?


Hvað skal gera: Enn og aftur horfið til kvenna. Fáið ykkur Bodylotion og andlitskrem.. Til eru margar snyrtilínur fyrir karla. Farið í næstu snyrtivöruverslun og látið snyrtifræðing greina húð ykkar og ráðleggja ykkur með krem!


4- Fætur

Fótasveppir, táfýla ofvaxnar  táneglur eru ekki að gera sig, og þessu tekur konan eftir.   Það er er vert fyrir karlmenn að hafa það í huga líka,  að þegar kona  sér að þið  getið  ekki hugsað betur um þennan falda líkamshluta, þá hugsar hún með sér; “Hvernig hugsar hannþá um ákveðinn annann faldan líkamshluta.”


Hvað skal gera: Ef að fótsnyrtivörur sem hægt er að kaupa út í búð er ekki að gera neitt. f-Farið þá til læknis út af þessu. Svo er alveg óhætt fyrir karlmenn að kíkja í fótsnyrtingu annað slagið, það er ekki bara fyrir kvennfólk.


5- Eyru og nefhár

konur gera allt sem þær geta til að losa sig við óæskileg líkamshár, Karlmenn ættu að gera slíkt hið sama.

Hvað skal gera: Hér er einföld regla sem gildir um eyru og nef hár. Ef þau eru farin að standa út, þá er komin tími til að fjarlægja þau.

6- Tennur
Fallegt bros bræðir okkur kvennfólkið alltaf. Það segir sig sjálft,  að gular tennur  og blettóttar fá okkur örugglega til að snúa okkur í hina áttina?

Hvað skal gera: Ef ástandið er mjög alvarlegt er um að gera að fara til tannlæknis. Annars er málið að kaupa sér tannkrem sem hvíttir tennurnar og strákar, ekki gleyma að nota tannþráðinn.


7- Bakið
Bakið hefur þann eiginleika að vera einn af þessum kynþokkafullu stöðum á líkamanum, en alls ekki ef bakið er þakið í bólum, dauðum húðflögum og hári.

Hvað skal gera: Ef það eru bólur , þá er til allskyns efni sem hjálpa til með slík vandamál. Og  þú færð allar  upplýsingar  í næsta Apóteki.  Ef að vandamálið er mikið hár, þá er málið að fara í  vax , eins og stelpurnar.

Gangi ykkur vel strákar..... :))

Kv. Sigga Lund 


Lífið er yndislegt, ég geri það sem ég vil....

Ég get ekki lýst því með orðum hvað ég er að njóta þessa langþráða sumarfrís sem ég er í núna. Ekki það að mér finnist leiðinlegt í vinnunni, alls ekki, heldur bara það að geta frjálst um höfuð strokið og notið sín út í ystu æsar, og sofið út!!  Já, sofið út. Það er eitt af því sem ég elska að gera, ég er nefnilega í rauninni þessi næturbröltari sem elskar að vaka á næturnar og sofa út fram eftir morgni. Þess vegna var það heilmikil áskorun þegar ég tók þá ákvörðun að ganga til liðs við morgunþáttinn Zúúber, og þurfa að vakna fyrir allar aldir á morgnanna. En þegar ég ar að vinna, miða ég við að vera komin á fætur kl. 5:15 á morgnanna þar sem ég á að vera mætt eigi síður en 6:15. Og það er ótrúlegt hvað það hefur heppnast vel, en það er auðvitað dagamunur í þessu eins og öllu öðru..

 

En allavega, ég er í frí núna og þarf lítið að hugsa um klukkuna. Ég hef sofið út alla dagana, og fæ ekki einu sinni samviskubit.  Merkilegt samt hvernig likamsklukkan í okkur virkar. Þrátt fyrir að klukkan mín sé stillt til að vekja mig ekki seinna um 12 um hádegi, þá glaðvakna ég alltaf kl. 5:15 á morgnanna. Það er eins og líkaminn sé bara stilltur inná það að þá eigi ég að vakna og gera mig klára í vinnunna. Ótrúlegt fyrirbæri! En það er ekki þar með sagt að ég fari eitthvað á fætur að dúlla mér, heheh nei, mín snýr sér bara á hina hliðina, dregur sængina betur yfir sig og heldur áfram að sofa, þar er akkúrat kikkið sem ég er að upplifa í fríinu.... yndislegt líf í alla staði, sem ég ætla að halda áfram að njóta...

Þangað til næst

Sigga Lund 


Nýtni eða sýki

Nú er maður í sumarfríi og það er farið að koma í ljós að ég er kannski bara best geymdur í vinnunni. Nú þegar ég hef allan þennan tíma heima hjá mér kemur enn og aftur í ljós að við erum stundum dálítið ólík þ.e ég og frúin mín. Ég veit ekki með ykkur, en ég bara horfi alls ekki sömu augum á ákveðna hluti og konan. T.d nú í kvöld var verið að taka til í skápunum í eldhúsinu og það kom á daginn að í kryddskápnum var til kryddstaukur sem heitir "Kjöt og Grill" og blessaður staukurinn var tómur. En í kryddskápnum var líka til pokaútgáfa af þessu sama kryddi(sem eru algjörlega óskiljanlegar umbúðir fyrir krydd) sem var fullur. Spúsa mín rétti mér pokann(knorrpoki) og segir "fylltu á staukinn fyrir mig". Ég horfið á hana í smá stund og bölvaði svo þessari asnalegu hugmynd að hafa krydd í pokum, og gafst náttúrulega upp á endanum við að hella úr bévítans pokanum því allt fór út um allt.  Ég ætlaði að henda pokanum og var raunar búinn að því, þegar ég fæ ræðuna um að það væri sko nóg eftir í pokanum til að fylla staukinn, og að þetta nægði á c.a 4 kjúklinga..!!! Það var þarna sem ég fór að hugsa að það er ábyggilega ekki óalgengt að við karlmenn hendum bara á meðan konan nýtir. Sumar konur eru nýtnar en aðrar eru hreinlega sjúkar með þessa hluti. Ég veit að það eru pottþétt einhverjir karlmenn þarna úti sem kannast við þetta, og eflaust konur líka. Má ekki henda neinu, því það er bara einhvern veginn ekki rétt eða hvað?. 

Mbk, Svali í fríi heima að fara í gegnum skápana. 


Jæja þá er komið frí og allt að gerast hjá okkur

Jæja elskurnar. Þá erum við í Zúúber komin í langþráð sumarfrí og hlöðum batteríin fyrir komandi vetur
1.ágúst ætlum við að koma saman aftur og taka enn einn veturinn núna bætum við um betur og vörpum okkur live út á netinu ( live mynd úr hljóðveri Zúúber ) þá geta allir fylgst með hvað gerist í raun og veru bakvið hljóðnemann. Vissulega erum við ekki mikið fyrir augað en við ætlum samt að afsanna þá kenningu að það séu aðeins ljótir sem vinna í útvarpi.

Framundan er heill hellingur, Við förum að byrja með Podcast á vefnum þar sem fólk getur halað niður hrekkjum okkar, kynningum og öllu því sem við gerum daglega. Ef þú hefur eitthvað sem þú þarft að segja en þorir ekki, sendu okkur þá póst á super@fm.is og við gerum það fyrir þig.

Gleiððððððððððilegt sumar 2007

 


Boðorðin 10

1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karlmönnum nauðsynlegt.

2. Notaðu 15 mín. til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur. Vertu svolítið hress og skemmtileg til að hressa hann við.

3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.

4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.

5. Sjáðu til þess að húsið sé hljóðlátt. Slökktu á öllum vélum, s.s. uppþvottavél, þvottavél, þurrkara og ryksugu. Reyndu að sjá til þess að börnin hafi hljótt. Taktu á móti honum með glöðu brosi.

6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.

7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.

8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.

9. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

Um hvað ætli 10 boðorðið hafi fjallað??  Hugmyndir??


Nærbuxnalaus í röntken

ÉG var að koma úr segulómun rétt í þessu. Verð nú að segja, að það er hálf asnalegt af Hr.Guðlaugi Þór að bjóða gestum LSH ekki uppá nærfatnað til að vera í við slíkar myndatökur. Eins og hlustendur Zúúver vita þá finnst undirrituðum gott að vera nærfatalaus. Það gefur ákveðið svigrúm fyrir herlegheitin, já eða hann Palla pínulitla eins og við Svali köllum "lelleven" En eins og fyrr segir þá fór ég í segulómun og tóku á móti mér 2 myndarlegar konur á besta aldri. Mér er vísað í klefa og sagt að afklæðast og fara í þunnann LSH slopp sem náði mér niður fyrir mitti. ÚPPS hugsaði ég! ég er bara að fara í heilamyndatöku, hversvegna þarf ég að fara úr öllu? ( vitandi að ég væri ekki í nærbuxum ) jú jú vinur það er bara svona, úr skildi ég fara. Nú voru góð ráð dýr. Ég vippaði mér í buxurnar aftur og fór að leita að LSH nærbuxum um alla deild sem ég svo ekki fann. Nú starði ég á sjálfann mig í spegli ná fölur og skömmustulegur, en viti menn maður eins og ég deyr ekki ráðalaus frekar en fyrridaginn. Ég vippaði mér úr bolnum og klæddi mig í hann eins og um buxur væri að ræða og þannig fór ég í myndatökuna með bros á vör ( þótt ég verði ábyggilega aðhlátursefni í kaffitíma þeirra á morgun ) Hr Guðlaugur Þór heilbrigðisráðherra, farðu að hafa nærbuxur í skiptiklefnum LSH Gassi

Karlar og grillkunnátta þeirra..

Ég vil byrja á að taka það skírt fram að þetta á ekki við um alla karlmenn en helvíti marga þó. Við fengum sendan póst til okkar fyrir nokkrum dögum sem innihélt uppskrift að grillmennsku karla. Þar var verið að tíunda hvað karlmenn gera í raun lítið þegar kemur að því að grilla, drekka eiginlega bara bjórinn og brenna kjötið Auðvitað var þessi listi ýktur að hætti allra lista sem ganga á netinu, en það var svo margt skemmtilegt á bakvið hann.. Hver kannast ekki við það að þegar það á að grilla erum við(karlmenn) bara búnir að hugsa um kjötið, sósuna og kannski kartöflurnar. Diskar, áhöld,sósuskál og ausan var ekki alveg inn í myndinni þegar það var ákveðið að grilla. Hvað þá að við séum búnir að athuga hvort fetaosturinn, ferska salatið, servétturnar, dúkurinn, réttu glösin og allt það sé klárt.. Við erum bara hugsa um stemmninguna. Ég meina grillkjöt er gott, en það toppar ekki piparsteikina sem frúin gerir stundum, ástæðan fyrir því að við grillum er ekki hversu gott það er. Heldur stemmningin í kringum það að grilla og við karlmennirnir,  við lítum æðislega vel út fyrir að hafa eldað og frúin gengur því frá að sjálfusér án þess að það sé rætt.  Karlmenn vilja helst grilla í hópum, þú veist, 2 upp í 10 úti á svölum að spjalla, drekka bjór og snúa kjötinu. Það bara fer karlmönnum vel, og því erum við grillarar. Nú spyr ég, sérð þú fyrir þér 8 konur vera að stumra yfir grillinu úti á palli/svölum???? Nei, ég hélt ekki.

Mbk, Svali. 


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband